Абдувоҳид Жалолов Мужибиллонинг янги вазни ҳақида: «Странджа'даги ғалабадан сўнг жаҳон чемпионатида -63 кгда иштирок этамиз деган ишонч бор эди»

Мужибилло Турсуновнинг мураббийи Абдувоҳид Жалолов шогирдининг янги вазни, тайёргарлик ва қуръа хусусида фикр билдирди.

«Биз бу кунга узоқ тайёрландик. Болгариядаги ғалабадан сўнг жаҳон чемпионатида -63 кг вазн тоифасида иштирок этамиз, деган ишонч бор эди. Франциядаги йиғиндан кейин Мужибиллонинг -60 кгда жанг қилиши аниқ бўлди. Шогирдим билан ҳам жисмоний ҳам руҳий жиҳатдан ишладик. Вазн ташлаш жараёни диетолог назорати остида ўтди. Мужибилло чемпионатга яхши тайёргарлик кўрди. 

Рингда ҳакамлар адолатсизлик қилишмаса, чорак финал жангларигача фаворит боксчиларни кўрмадим. Қолаверса, мусобақагача Ҳиндистон, Монголия, Куба терма жамоаси боксчилари билан назорат жанглари ўтказдик. Албатта, бор имкониятимиз билан ғалабага ҳаракат қиламиз. Бу бокс, бу ерда ҳар бир жанг биз учун финал каби. Қуръа электрон тарзда бўлди. Бу ерда ҳеч қандай эътирозларга ўрин йўқ», - деди мураббий Жалолов.