08 май 19:15
Янгиликлар

Бокс/ММА

ACA 203. Шариф Кушаев иорданиялик рақиб билан жанг қилди

"Ҳумо арена"да аралаш якка кураш бўйича ACA 203 мусобақаси бўлиб ўтмоқда.

Мусобақада ҳамюртимиз, ATFC Лигаси собиқ чемпиони Шариф Кушаев Иордания вакили Али Алькаисига қарши октагонга кўтарилди.

Ярим енгил вазн тоифасидаги 3 раундлик жанг тўлиқ давом этди. Якунда Кушаев ҳакамларнинг якдил қарорига кўра ғолиб деб топилди.

Бу Шарифнинг ACA Лигасидаги илк жанги эди. У мазкур ғалабаси орқали рекордини 14-1 кўринишига келтириб олди. Шариф учун бу кетма-кет олтинчи ғалабага айланди.