18 сен 08:52
Янгиликлар

Бокс/ММА

ACA Емельяненко — Исмаилов реванш жангини ўтказмайди

Absolute Championship Akhmat (ACA) MMA-промоушени асосчиси Майрбек Хасиев Александр Емельяненко ва Магомед Исмаилов ўртасидаги реванш жанги ҳақида фикр билдирди.

Хасиевнинг айтишича, бу икки россиялик яккакураш усталари ўртасида иккинчи жангни ўтказишдан ҳеч қандай маъно йўқ экан.

"Бу жанг энди қизиқ эмас. Емельяненконинг жангга тайёр ҳолатда келмагани ҳақида кўп гап-сўзлар бўлди. Жанг шуни кўрсатдики, Магомед Емельяненкодан бир бош устун. Эски сценарий бўйича кечадиган жанг бизга керак эмас", — дея Хасиевнинг сўзларини келтирмоқда ТАСС.

Эслатиб ўтамиз, илк жанг 24 июль куни Сочи шаҳриджа ACA 107 турнири доирасида ўтказилган ва унда Исмаилов Емельяненкони учинчи раундда нокаутга учратган эди.