Ачилбай Раматов Токиога йўл олаётган боксчиларимиз билан учрашди

Ўзбекистон боксчилари эса анъанага кўра муҳим мусобақалар олдидан тайёргарликнинг сўнгги босқичини мусобақа ўтказиладиган манзилнинг ўзида олиб боришади. 

Эртага Ўзбекистон терма жамоаси вакиллари Олимпиада ўтказиладиган шаҳар - Токиога жўнаб кетишади. Бугун эса Ўзбекистон бокс федерацияси раиси Ачилбай Раматов Олимпия ўйинларида қатнашадиган чарм қўлқоп усталаримиз ва уларнинг мураббийлари билан учрашди.

Учрашув давомида Ачилбай Жуманиязович боксчиларимиздан умид катталиги, Олимпиада вақтида айнан боксчиларимиздан медаллар кўпроқ кутилишини таъкидлади. 

Қолаверса, федерация раҳбари руҳий тайёргарлик муҳим аҳамиятга эга эканлигини, бутун дунё боксчилари ўзбекистонлик йигитларга қарши бошқача кайфиятда жанг қилиши ҳақида гапирди. Токиодаги баҳсларда қатнашадиган терма жамоамиз вакилларига ўз тавсияларини берди. 

Шунингдек, учрашувга Ўзбекистон Миллий олимпия қўмитаси раиси Рустам Шоабдураҳмонов бошчилигидаги мутасаддилар ҳам ташриф буюришди ва терма жамоамиз аъзолари билан суҳбатлашишди.

Ўзбекистон бокс федерацияси матбуот хизмати