Adelaide International. Остапенко Плишковадан устун келди

Дунёнинг 18-ракеткаси Елена Остапенко мусобақадаги иштирокини ғалаба билан бошлади. Латвиялик теннис маликаси 67 дақиқа давом этган биринчи давра учрашувида рейтингнинг 31-поғонасида бораётган чехиялик Каролина Плишковани ортиқча қийинчиликсиз мағлуб этди - 6/1, 6/3.

Остапенко бу ғалабаси эвазига теннисчиларнинг ўзаро учрашувларидаги ҳисоб мувозанатини минимал даражага камайтирди - 4:5. Остапенко 1, Плишкова 3 та эйс зарбасини амалга оширган. Энди Елена Adelaide International турнирининг иккинчи даврасида руминиялик Ирина-Камелия Бегуга қарши кортга чиқади.