11 янв 17:10
Янгиликлар

Бокс/ММА

Адесанья MMA фаолиятидаги энг идеал жангини айтди. Бу Перейра билан реванш эмас!

Ўрта вазн тоифасида собиқ UFC чемпиони Исраэль Адесанья аралаш яккакурашлардаги энг яхши, кўнгли тўлган жангни эътироф этди.

Асли нигериялик бўлган Исраэль ММА фаолиятидаги энг идеал жанг дея бразилиялик Пауло Костага қарши баҳсни ҳисоблашини айтди.

"Пауло Костага қарши жанг идеал бўлган. Менимча, бу менинг техник жиҳатдан энг тоза чиқишим эди. Ўша жангда мен заррача ҳам талофат кўрмагандим, лекин ўзим рақибимга зарар етказган эдим. Бу менинг энг идеал чиқишим эди", - дея Адесанянинг сўзларини келтиради AgFight портали.

Эслатиб ўтамиз, Исраэль ва Пауло ўртасидаги жанг 2020 йилнинг 27 сентябрь куни Абу-Даби (БАА) шаҳрида ташкил этилган UFC 253 турнири доирасида бўлиб ўтганди. Ўшанда Адесанья иккинчи раундда техник нокаут эвазига ғалаба қозонганди. Исраэль учун бу иккинчи титул ҳимояси эди.