15 май 15:05
Янгиликлар
Шахмат
Афсонавий Гарри Каспаров Синдаровни яна бир афсонага қиёслади
Жаҳон шахмати афсонаси Гарри Каспаров Жавоҳир Синдаровнинг Номзодлар турниридаги иштироки ҳақида фикр билдириб, унинг тезлиги, аниқлиги ва услубини юқори баҳолади.
"Кипрда Синдаров яхши ва тезкор ўйиннинг ажойиб уйғунлигини намойиш этди. Бу вақтни тежаш ва жуда юқори сифатли юришларни топиш ўртасидаги мувозанатдир. У ғалабага мутлақо ҳақли эди.
Агар ўхшатиш қидирадиган бўлсам, эҳтимол Борис Спасскийни айтган бўлардим. Жуда кўп қиррали услуб. Спасский ўтган асрнинг 60-йиллари ўрталарида айнан шундай ўйнаган: тез, доналар учун тўғри катакларни интуитив равишда топа оларди. Шу билан бирга, Синдаровнинг ўйинида динамика ҳам бор.
Агар Синдаров худди шундай энергия, босим ва аниқлик билан ўйнашда давом этса, уни буюк келажак кутмоқда", - деди Гарри Каспаров.
Маълумот учун, икки йил аввал вафот этган Борис Спасский 10-жаҳон чемпиони ҳисобланади.
Ҳавола :
Манба : uzchess
Фикрлар