12 янв 09:46
Янгиликлар

Бокс/ММА

Агит Кабайел ҳеч қачон тўқнаш келишни истамайдиган боксчини айтди

Супероғир вазнда WBC вақтинчалик чемпионлик камари соҳиби Агит Кабайел шанба оқшомида ўз камарини Дамиан Книбадан муваффақиятли ҳимоя қилганди.

Жангдан кейин Александр Усикни рингга чорлаган германиялик боксчи ўзи ҳеч қачон тўқнаш келишни истамайдиган рақибнинг исм-шарифини ошкор қилди.

"Тайсон Фьюри! Менинг Фьюрига қарши жангга ҳеч қандай қизиқишим йўқ", - деди Кабайел. - У менинг акам, фаолиятимда менга кўп ёрдам берган. У Арсланбек Маҳмудов билан жангим олдидан мени жиддий қўллаб-қувватлаганди. Мен у билан жанг қилишни истамайман".

Эслатиб ўтамиз, Кабайел 2023 йилда Арсланбек Маҳмудовни муддатидан олдин мағлуб этганди. Ҳозирда Маҳмудов Тайсон Фьюрининг қайтиши учун эҳтимолий рақиблардан бири сифатида кўрилмоқда.