22 окт 16:48
Янгиликлар
Бокс/ММА
Аҳмадалиев жамоасининг шикоятига қарамай, IBF Иноуэга мажбурий ҳимоя жангини тайинлади
Иккинчи энг енгил вазнда мутлақ жаҳон чемпиони Наоя Иноуэ (28-0, 25 КО) биринчи навбатда IBF чемпионлик камарини ҳимоя қилади.
Хабар берганимиздек, жанг австралиялик мажбурий даъвогар Сэм Гудманга (19-0, 8 КО) қарши бўлиб ўтади.
Томонлар жанг бўйича музокараларни сентябрь ойи ўрталарида бошлашлари керак эди, бироқ улар келишувга эриша олишмади. Промоутерлар ўртасидаги жангни ташкил этиш ҳуқуқини берувчи кимшоди савдоси эса 29 октябрь куни бўлиб ўтиши кўзда тутилган.
Аввалроқ, Иноуэнинг WBA камари учун мажбурий даъвогар ҳамюртимиз Муроджон Аҳмадалиевнинг жамоаси IBF ташкилотига мурожаат қилган ва унда Гудмандан олдинроқ даъвогар мақомида айнан боксчимиз экани айтилганди.
Иноуэ - Гудман жанги 24 декабрь куни Япониянинг Токио шаҳрида бўлиб ўтади.
Ҳавола :
Манба : ua.tribuna.com
Фикрлар