Аҳмадалиевнинг менежери: "Реванш ўтказилишини талаб қиламиз!"

Иккинчи энг енгил вазн тоифасида собиқ WBA ва IBF чемпиони Муроджон Аҳмадалиевнинг менежери Вадим Корнилов ўзбекистонлик боксчининг Марлон Тапалесга қарши жангида ҳакамлар қарорининг қанчалик тўғри бўлгани ҳақида гапирди. Жангда филиппинлик Тапалес ғалаба қозонган эди (115:113, 115:113, 110:118).

"Буни қабул қилиб бўлмайди. Боксда бундай ҳолатларга йўл қўйиб бўлмайди.

Айримлар шикоятга ўрин йўқ, жанг рақобатга бой бўлди демоқда. Бироқ биз кўплаб экспертлардан жангни таҳлил қилишни сўрадик ва уларнинг барчаси бир неча раундни бир овоздан Аҳамадалиевга берди. Яъни, у камарни ҳимоя қилиш учун етарлича иш қилганини айтишди.

Қарор борасида WBA, IBF ва Техас атлетика комиссиясига шикоят киритмоқчимиз. Айни вақтда бунинг учун керакли ҳужжатларни тўплаяпмиз. Реванш ўтказилишини талаб қиламиз", - дейди Корнилов.