АIBА боксни Олимпия ўйинларида сақлаб қолгани учун ХОҚга миннатдорчилик билдирди

Бокс Париж-2024 Олимпия ўйинлари дастурида қолди ва Лос-Анжелес-2028 Олимпиада дастурига киритиш учун йўл харитаси белгиланди. АIBА томонидан босқичма-босқич эришилган натижалар ХОҚ томонидан ҳам эътироф этилди ва у 2023 йилда АIBА фаолиятини тўхтатиб қўйилишининг олдини олган аниқ йўл харитасини ишлаб чиқди.

«Биз бокс ва боксчиларга берилган имконият учун миннатдормиз. Шунингдек, биз эришган ютуқларимизни тан олгани учун ХОҚга миннатдорчилик билдирамиз. Аниқ йўл харитасини яратиш жуда фойдали. Албатта, спорт ривожи, молиявий барқарорлик ва бошқарув нуқтаи назаридан қилинадиган ишлар кўп. Биз ХОҚ томонидан белгилаб берилган ислоҳотларнинг барча объектив мезонларини бажаришга тўлиқ содиқмиз. АИБА Олимпия ўйинларига саралаш ва Париж 2024 бокс баҳсларини ташкил этиш имкониятига эга бўлди»,- деди АIBА президенти Умар Кремльёв.