28 авг 17:38
Янгиликлар

Бокс/ММА

AIBAнинг қарзлари қопланди, Кремлёв ХОҚ билан муносабатларни тиклаш ҳаракатида

Теглар : AIBA

Халқаро бокс федерацяиси (AIBA) президенти Умар Кремлёвнинг маълум қилишича, ташкилот барча қарзлардан қутилган.

Аввалроқ, ушбу қарзлар 20 миллион доллар эканлиги ҳақида хабар қилинганди. Бу эса Халқаро Олимпия қўмитаси томонидан AIBАнинг тан олинмаслигига сабаблардан бири сифатида кўрсатилганди.

"AIBAда бугунги кунга келиб қарзлар йўқ. Биз маркетинг эвазига қарзлардан қутулдик. Ҳомийларимиз барча қарзларни тўлаб беришди. Шунингдек, янги ҳомийлар жалб қилиш ишларини олиб бормоқдамиз. ХОҚ билан муносабатларни яхшилаш ишлари олиб борилмоқда. Биз ислоҳотлар олиб бормоқдамиз, тавсиялар асосида ишлаяпмиз.

Ишончим комилки, AIBAнинг келажаги порлоқ, чунки ташкилотни боксчилар бошқаришмоқда", - деди Кремлёв.

Эслатиб ўтамиз, аввалроқ AIBA ташкилотнинг бош ҳомийси "Газпром" бўлиши ҳақида маълумот берганди. Кремлёв эса AIBAнинг мақомини тиклаш учун 50 миллион доллардан ортиқ маблағ сарфланиши ҳақида гапирганди.

Ҳавола :

Манба : РИА Новости

Рейтинг: +2