Ака-ука Рўзибоевлар ғалаба қозонган оқшомнинг марказий жангида қандай натижа қайд этилди?

Оқшомнинг марказий жангида россиялик Эдуард Вартанян бразилиялик Раймундо Батистага қарши октагонга кўтарилди ва рақибини техник ғалаба эвазига муддатидан аввал мағлуб этди. Аниқроғи, бразилиялик спортчининг мураббийлари иккинчи раундга шогирдларини чиқармасликни афзал билишди. 

Эслатиб ўтамиз, Москвадаги турнирнинг асосий кардида таниқли ММА жангчимиз Нурсултон Рўзибоев бразилиялик Алекс Де Паулуни биринчи раунднинг ўзида техник нокаутга учратиб, ушбу промоушен чемпионлик камарини қўлга киритганди. Нурсултоннинг укаси Машрабжон Рўзибоев эса Александр Жаркинни биринчи раундда техник нокаут ҳисобига таслим этган бўлса, яна бир ҳамюртимиз Раҳматулло Сатторов учинчи раундда техник нокаут билан Илья Бочковга ютқазиб қўйган эди.