Акгул Аманмурадова Осиё-Океания минтақасидан ITFнинг ўйинчилар комиссиясига аъзо бўлди

28 майдан 10 июнгача бўлиб ўтган сайловда ITF бўйича жаҳон турнирларида қатнашадиган 1000 дан ортиқ ракетка усталари ўзлари учун маъқул номзодга овоз беришди.

Қувонарлиси, якунда аёллар комиссияси таркибидан ҳамюртимиз Акгул Аманмурадова ҳам жой олди. Шунингдек, хотин-қизлар комиссиясида Инес Иббу (Жазоир), Пётр Янусков (Чехия), Жулиан Лизарасо (Колумбия), Тара Мур (Буюк Британия), Конни Перрин (Швейцария), Оливия Тяндямулия (Австралия) каби номларни ҳам кўриш мумкин.

Эркаклар комиссияси таркиби эса қуйидагича кўриниш олди: Хосе Бендек (Колумбия), Ти-Чэн (Хитой Таипейи), Ники Панача (Ҳиндистон), Хуан Паз (Аргентина), Альдин Сектик (Босния ва Герцеговина), Франческо Виллардо (Италия). Таъкидлаш жоиз, эркаклар комиссиясида яна бир ўрин вакили номи яқин кунларда эълон қилинади.

Теннисчиларнинг мазкур комиссиядаги аъзолиги 2 йил муддатга белгиланган. Ўзбекистон Миллий олимпия қўмитаси Акгул Аманмурадова ва ўзбек тенниси оиласини яна бир муваффақият билан табриклаб қолади.