23 июн 16:51
Янгиликлар

Теннис

Акгул Аманмурадовани табриклаймиз!

Бугун теннис бўйича Ўзбекистон терма жамоаси аъзоси Акгул Аманмурадова ўз таваллуд айёмини нишонламоқда.

Акгул Аманмурадова 1984 йил 23 июнь куни таваллуд топган. Теннисчимиз WTA таснифидаги мусобақаларда 2 бор, ITF турнирларида 13 бор муваффақият қозонган. АҚШда ташкил этиладиган машҳур Цинциннати турнирида ярим финал (2007), чорак финал (2010) босқичларигача етиб борган.

2008 йил жаҳон тасниф жадвалида кучли 50 таликда бўлгани уни Пекин-2008 Олимпия ўйинлари иштирокчисига айлантирган. Гуанчжоу-2010 Осиё ўйинларининг финалчиси. Акгул куни кеча Осиё-Океания минтақасидан ITFнинг ўйинчилар комиссиясига аъзо бўлгани унинг фаолиятидаги яна бир муҳим қадам бўлди.

Фурсатдан фойдаланиб, Акгул Аманмурадовани бугунги таваллуд айёми билан табриклаб, унга узоқ умр, сиҳат-саломатлик тилаймиз.