10 дек 20:33
Янгиликлар
Бокс/ММА
Акмалжон Исроилов тажрибали рақибга имкониятни бой берди
Бирлашган Араб Амирликларининг Дубай шаҳрида бокс бўйича катталар ўртасидаги IBA Жаҳон чемпионати давом этмоқда.
Мусобақада -86 кг вазн тоифасида юртимиз шарафини ҳимоя қилаётган Акмалжон Исроилов чорак финалда россиялик Шарабутдин Атаевга қарши рингга кўтарилди.
Жанг тўлиқ давом этди ва унда афсуски Исроилов 0:5 ҳисобида имкониятни бой бериб қўйди.
Маълумот учун, Акмалжон Исроилов бир неча ой олдин Ливерпулда ўтказилган World Boxing ташкилотининг олтин медали соҳиби ҳисобланади. Шарабутдин Атаев эса 2023 йили Тошкент мезбонлик қилган дунё биринчилигида чемпионликни қўлга киритганди.
Акмалжон бунгача Шотландия ва Қозоғистон вакилларини мағлубиятга учратиб, чорак финалга қадар етиб келганди.
Ҳавола :
Манба : olamsport.com
Фикрлар