25 окт 08:25
Янгиликлар

Футбол

"Ал Ҳилол" марказий ўйинда "Ал Иттиҳод"ни мағлуб этди

Саудия Арабистони чемпионатининг 6-тури доирасидаги марказий учрашув "Ал Иттиҳод" - "Ал Ҳилол" қарама-қаршилиги риёдликларнинг ғалабаси билан якунига етди.

Ушбу ўйинда "Ал Ҳилол" меҳмонда ўйнаганига қарамай, ишончли 2:0 ҳисобидаги ғалабага эришиб, турнир жадвалида пешқадам "Ал Насср"га яқинлашиб олди. Турнир жадвалида 5 та ўйиннинг барчасида ғалаба қозонган Криштиану Роналду бошчилигидаги "Ал Насср" 15 очко билан пешқадамлик қилмоқда.

Битта ўйин кўп ўтказган "Ал Таавун" жамоаси ҳисобида ҳам 15 очко бор. Кечаги ғалабаси эвазига "Ал Ҳилол" 14 очко билан 3-ўринга кўтарилиб олди.