12 ноя 14:26
Янгиликлар

Теннис

Албина Музаффарнагарда илк давра учрашувида кортга чиқди

Бугун Ҳиндистоннинг Музаффарнагар шаҳрида теннис бўйича "Фьючерс" туркумига кирувчи турнирнинг асосий тўр баҳслари бошланди.

Соврин жамғармаси 25 000 АҚШ долларини ташкил қилувчи мусобақада ҳамюртимиз Албина Хабибулина ҳам иштирок этяпти. Саралаш баҳслари орқали асосий тўрга етиб келган Албина бугун илк давра учрашувини ўтказди.

Афсуски, турнирнинг биринчи ракеткаси япониялик Хироко Куватага қарши кортга чиққан Хабибулина кучли рақибасига 2:6, 1:6 ҳисобида имкониятни бой берди. Энди ҳамюртимиз бор эътиборини жуфтлик баҳсларига қаратади.

Теннисчимиз қирғизистонлик Ксения Палкина билан иккинчи рақамли жуфтликни ҳосил қилган. Улар илк босқичда словакиялик Настя Колар ҳамда америкалик Александра Рилей ҳамкорлигига қарши кортга чиқади.