13 апр 18:46
Янгиликлар

Бокс/ММА

Алекс Перейра вазнини ўзгартирди

Бразилиялик собиқ UFC чемпиони Алекс Перейра Исраэль Адесаньяга қарши жангдаги мағлубиятидан сўнг яримоғир вазн тоифасига кўтарилаётганини маълум қилди.

Эслатиб ўтамиз, Адесанья иккинчи раунддаги нокаут эвазига Перейрани мағлуб этиб, ўрта вазндаги чемпионлик камарини қайтиб олган эди.

"Ваъда берганимдек, катта янгиликни эълон қиламан. Кейинги жангим яримоғир вазн тоифасида бўлади. Ҳа, яримоғир вазнда! Мен 84 кг.да ўз ишимни қилдим, шу сабабли энди 93 кг.га кўтариламан. Кейинги рақибим номини ҳозирча айта олмайман, аммо YouTube каналимда сизга янгиликларни ўртоқлашиб бораман", - деди Перейра.