Алекс Перейранинг жамоаси навбатдаги рақибни эълон қилди

Учинчи камар учун уриниши омадсиз чиққан Перейра америкалик Жош Хокит билан тўқнаш келишга тайёр. Бу ҳақда бразилиялик жангчининг мураббийи ва устози Гловер Тейшейра спорт шарҳловчиси Ариэль Хельвани билан бўлган суҳбатда маълум қилди.

"Бизга уни чемпионлик жангига олиб чиқадиган рақиб керак. Жош Хокит кўп гапириб юборди, шунинг учун мен Алексга айтдим: бориб, уни нокаутга учрат, чўққига қайт ва ўз реваншингни ол", — деди бразилиялик мутахассис.

Жорий йилнинг июнь ойида Алекс Перейра оғир вазн тоифасида UFC вақтинчалик чемпионлик камари учун курашиб, муваффақиятсизликка учраган эди. Оқ уйда ўтказилган турнирда у франциялик Сирил Ганга иккинчи раундда техник нокаут билан мағлуб бўлганди. Мағлубият нималигини билмай келаётган Жош Хокит эса ўша турнирда ташкилотдаги тўртинчи ғалабасини қўлга киритиб, ҳамюрти Дэррик Льюисни иккинчи раундда техник нокаут билан таслим этганди.