05 окт 11:07
Янгиликлар

Бокс/ММА

Алекс Перейранинг кейинги рақиби эълон қилинди (ПОСТЕР)

Бразилиялик собиқ чемпион Алекс Перейранинг кейинги рақиби оғир вазн рейтингида иккинчи ўринни эгаллаб турган россиялик Сергей Павлович бўлади.

Беллашув UFC 335 турнирининг иккинчи асосий жангига айланади. Турнир 12 декабрь куни Лас-Вегасда ўтказилади.

UFC расмий сайтига кўра, Павлович ва Перейра ўртасидаги жанг беш раундга мўлжалланган.

Павлович сўнгги бор май ойидаги UFC Fight Night 277 турнирида жанг қилган. У бразилиялик Таллисон Теишейрани нокаутга учратган. Россиялик жангчи профессионал MMA фаолияти давомида 21 та ғалаба ва 3 та мағлубият қайд этган.

Алекс Перейра ҳисобида эса 13 та ғалаба ва 4 та мағлубият бор. У 14 июнь куни ўтказилган сўнгги жангида Сирил Ганга техник нокаут билан имкониятни бой берганди.