Александр Романовнинг UFC доирасидаги жанги бекор қилинди

23 апрель куни Лас-Вегасда бўлиб ўтадиган UFC Fight Night 205 турнирида жанг ўтказиши керак бўлган молдовалик оғир вазн тоифасидаги Александр Романов катта эҳтимол билан шу ҳафта охирида октагонга чиқмайди, чунки унинг рақиби Таннер Бозер жароҳат олиб, мусобақани тарк этди.

Канадалик жангчи ижтимоий тармоқларда жароҳати ҳақида малум қилди, UFC ва рақибидан узр сўради. Ўз навбатида, Романов қисқа муддат ичида у билан жанг олиб боришга рози бўлган ҳар қандай рақиб билан баҳслашишга тайёрлигини очиқ айтди:

«UFC кимнидир топади деб умид қиламан. Мен бу ҳафта ким билан бўлса ҳам жанг қилишга тайёрман».

UFC вакиллари ҳозирча бу ҳақда ҳеч қандай баёнот беришмаган.