Александр Волков: Блэйдсдан кейин навбат Нганнуга келади

"Россиядаги ҳозирги эпидемиологик ҳолат жиддий. Айниқча, Москвада вазият мураккаб. Спорт заллари, хусусан бизнинг машғулот залимиз ёпиқ. Бунинг натижасида икки ой машғулот ўтказа олмадик. Шундай бўлса-да, қўлдан келганича ҳаракат қилдик. Асосан уйда шуғулландим. 

Жангим аниқ бўлганидан кейин сўнгги икки ҳафта давомида тўлақонли машғулот ўтказдим. Тўлиқ контактдаги спарринглар ташкил этдик. Албатта, айрим режаларни амалга оширишнинг имкони бўлмади. Умумий олганда, тайёргарликдан кўнглим тўлди. 

Нганну билан жанг? У билан эртами-кеч, албатта учрашамиз. Ҳозир биринчи навбатда Блэйдсни мағлуб этишим шарт. Кейин эса Нганну билан учрашсам бўлади", – деди Волков.

Эслатиб ўтамиз, Волков – Блэйдс жанги 20 июнь куни АҚШнинг Невада штати Лас-Вегас шаҳрида UFC Fight Night 173 турнири доирасида бўлиб ўтади.