Александре Пантожа қачон қайтади?

Унинг октагонга қайтиш муддати ҳамон номаълумлигича қолмоқда. Бу ҳақда бразилиялик мураббий Маркос Паррупма MMA Fighting сайтига берган интервьюсида маълум қилди.

"Унинг елка аралаш қўли жойида - бу кўпроқ тирсак шикасти эди. Ҳозир биз Пантожани тиклашга максимал даражада устувор аҳамият беришимиз керак. Кейин нима бўлиши муҳим эмас. Асосийси, унинг қўлини тиклаш. Агар операция қилиш керак бўлса, у жарроҳлик столига ётади. Агар операция керак бўлмаса, физиотерапия муолажаси билан шуғулланамиз. Бугун шифокорга бориб, яхши хабар олдик, қўл синмаган. Энди нима бўлишини кўриш учун бир неча ҳафта кутамиз. Ҳозирча унинг қанча муддатга сафдан чиқишини аниқ айтиб бўлмайди", - деди бразилиялик мутахассис.

Собиқ чемпионнинг жамоаси энг енгил вазн тоифасида UFC чемпионлигининг янги эгаси Жошуа Ван бошқа жангчига қарши камар ҳимоясини ўтказиши мумкинлигини истисно қилмаяпти. Аммо Пантожа жароҳатидан тузалиб қайтгач, дарҳол чемпионлик имкониятини қўлга киритишига умид қилмоқда.

"Улар дарҳол реванш олишмоқчи, аммо ҳаммаси Пантожанинг қанча вақт ўйиндан ташқарида бўлишига боғлиқ. Агар бу қисқа муддат бўлса, биз зудлик билан реваншни талаб қиламиз. Агар жараён узоқроқ давом этса, дивизион турғунликда қола олмайди. Биз буни тушунамиз. Энг муҳими, Пантожа қайтиши биланоқ чемпионлик жангини олиши керак. Менимча, у тўғридан-тўғри чемпионлик жангига қайтишга лойиқ, хоҳ Жошуа Ван билан бўлсин, хоҳ бошқаси", - дея қўшимча қилди Паррумма.

Эслатиб ўтмиз, ўтган ҳафта Александре Пантожа ўз камарини бешинчи марта ҳимоя қилишга уриниб кўрди. Аммо биринчи раунднинг 26-сониясидаёқ ноқулай йиқилиши натижасида Жошуа Ванга қарши жанг тўхтатилди ва мьянмалик аралаш яккакураш устаси техник ғалаба эвазига UFC чемпионига айланди.