Алькараз Жокович, Надаль ва Федерернинг натижасини такрорлади

Дунёнинг учинчи ракеткаси ҳисобланган Карлос Рим турнири финалига етиб келиш орқали ўзига хос натижа қайд этди. У 1990 йилдан кейин ўзи қатнашган барча "Мастерс" турнирларининг 25 фоиз миқдорида финалга етиб келган тўртинчи теннисчига айланди. Яъни, Алькараз ўзи қатнашган "Мастерс" сериясига кирувчи турнирларнинг ҳар тўрттадан бирида финалда ўйнаган. 

Айни пайтда Алькаразнинг натижаси 26,7%. Ушбу кўрсаткич бўйича рекорд Новак Жоковичга тегишли. "Катта Дубулға" турнирларининг 24 карра ғолибининг кўрсаткичи 44,4%. Иккинчи ўрин испаниялик Рафаэль Надалга тегишли - 40,8%. Кучли учликка швейцариялик афсона Рожер Федерер 36,2% фоиз аниқлик билан якун ясаган.