05 июн 07:03
Янгиликлар

Теннис

Амалдаги чемпион "самурай"ни мағлуб этди, эндиги рақиб Федерер!

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнири давом этмоқда.

Мусобақанинг амалдаги ғолиби, грунт қопламали турнирлар қироли Рафаэль Надаль 1/4 финалда ҳам осон ғалабага эришди. Испаниялик теннис юлдузи ATP рейтингида 7-ўринни эгаллаб турган япониялик Кеи Нишикорини 1 соату 51 дақиқа давом этган баҳс якунида таслим этди - 6/1, 6/1, 6/3.

Икки теннисчи ўртасидаги ўзаро учрашувлар ҳисоби Надаль фойдасига янада йириклашди - 11:9. Энди 33 ёшли Рафаэль “Ролан Гаррос” турнирининг ярим финалида швейцариялик Рожер Федерерга қарши кортга чиқади. Теннис мухлислари финалга қиёсланган “Классико”га гувоҳ бўлишади.