Амалдаги US Open ғолибаси илк даврада кортга чиқди

Бироз кутилмаганда аёллар ўртасидаги мусобақанинг амалдаги ғолибаси, британиялик Эмма Радукану илк даврадаёқ мағлубият аламини тотиб кўрди. Дунёнинг 11-рақамли теннис маликаси роппа-роса 100 дақиқа давом этган учрашувда WTA рейтингида 40-поғонадан жой олган франциялик Ализе Корнега 3/6, 3/6 ҳисобида имкониятни бой бериб қўйди. 

Бу теннисчиларнинг ўзаро ўтказган илк учрашуви эди. Эмма баҳс давомида 2 та эйс, 2 та қўшхато ҳамда 4 та брейкни амалга оширди. Ализе эса 1 та эйс, 9 та қўшхато ҳамда 7 та брекй қайд этди. Энди Корне US Open турнирининг иккинчи даврасида  Катержина Синяковага қарши кортга чиқади. Чехиялик теннисчи илк босқичда америкалик Тэйлор Таунсенддан устун келди - 6/4, 4/6, 6/2.