08 май 13:23
Янгиликлар
Бокс/ММА
Ана бўлмаса! Алекс Перейра UFC билан ўртасида низо борлиги сабаб фаолиятини якунламоқчилигини ёзиб, кейин барча айбни хакерларга тўнкаб қўйди
Икки вазн тоифасида собиқ UFC чемпиони Алекс Перейра яримоғир вазнда янги чемпионга айланган Магомед Анкалаевнинг навбатдаги рақиби бўйича UFC раҳбариятининг саҳна ортидаги режалари ҳақида қизиқарли фикр билдирди.
Карлос Ульберг ва Иржи Прохазка Анкалаев учун эҳтимолий рақиблар сифатида танланган. Кўринишидан, Алекс бу рўйхатда унинг исми йўқлигидан жуда хафа бўлган.
"Мен ҳеч қачон UFC ҳақида ёмон гапирмаганман, лекин ҳозиргина эшитганларим кўнглимни парчалади. Менда энди бошқа жанг қилмаслик ҳақида ўйлар пайдо бўлди, бу бошланиши бўлиши мумкин", деб ёзди Перейра ўзининг ижтимоий тармоқлардаги саҳифасида.
Кейинроқ эса Алекс аккаунти хакерлар хужумига учраган бўлиши мумкинлигини даъво қилиб, UFC билан доим яхши муносабатда эканини айтди.
Эслатиб ўтамиз, Перейра ўзининг сўнгги жангини март ойида Анкалаевга қарши ўтказиб, мағлуб бўлган ва камаридан айрилганди.
Ҳавола :
Манба : championat.com
Фикрлар