Ана холос! "Пахтакор" Аҳмедов шарафига "музлатилган" рақамни ёш дарвозабонига берди

Бироқ бу рақам 2026 йилги мавсумга келиб 18 ёшли посбонга берилди. Championat.asia мухбири Толибжон Қосимов бу мавзуга эътибор қаратиб, ўз саҳифасида қуйидагиларни ёзиб қолдирди:

“2021 йилнинг 18 декабрь санасида Одил Аҳмедов ўз китобининг тақдимот маросимида футболчилик фаолиятини якунлаганини расман эълон қилганди. Ўша куни "Пахтакор" раҳбарияти Аҳмедовга жамоанинг 25-рақамли либосини умрбодга бириктирган ҳолда тақдим этганди, яъни "Пахтакор"да 25-рақам Аҳмедов шарафига музлатилган эди. Ўша пайтда бу рақамда ўйнаб келган Элдорбек Суюнов эса 2022 йилги мавсумда бошқа рақамни олишига тўғри келган.

Лекин бу йилги мавсум олдидан "шерлар" 2007 йилда туғилган дарвозабон Расул Маматовни айнан 25-рақам билан "заявка"дан ўтказган. Ушбу посбон U-21 чемпионатида бир марта асосий таркибда (ОКМК ўринбосарлари билан) ҳамда бир марта захирадан ("Қўқон-1912" ўринбосарлари билан) майдонга тушишга ҳам улгурди”, – дейилади хабарда.