Ана холос! Спорт курашчиларимиз Жаҳон чемпионатидан қуруқ қўл билан қайтишди

Афсуски, ҳар икки йўналишда иштирок этган 11 нафар курашчимиз Тошкентга қуруқ қўл билан қайтадиган бўлди. Мустақиллигимизнинг 26 йиллик байрами арафасида ўтказилган йилнинг нуфузли мусобақасида полвонларимизга омад кулиб боқмади.

Сўнгги умидимиз ҳисобланган -74 кг вазн тоифасидаги эркин курашчимиз Бекзод Абдураҳмонов уч нафар рақибини мағлубиятга учратиб, ярим финалга йўл олганди.

Финал остонасида у Олимпиада чемпиони, уч карра жаҳон чемпионатининг олтин медали соҳиби ҳисобланган америкалик Жордан Барроузга қарши гиламга чиқди. Муросасиз кечган баҳсда вакилимиз 5:6 ҳисобида ютқазди. Бронза медали учун бўлиб ўтган учрашувда эса беларуслик рақибидан енгилди.

Жаҳон чемпионатида қатнашган курашчиларимиз:

Юнон-рум кураши:

Феруз Тўхтаев (59 кг)

Элмурод Тасмуродов (66 кг)

Арам Варданян (71 кг)

Рустам Ассакалов (98 кг)

Мўмин Абдуллаев (130 кг)

Эркин кураш:

Нодиржон Сафаров (57 кг)

Ихтиёр Наврўзов (70 кг)

Бекзод Абдураҳмонов (74 кг)

Умиджон Исманов (86 кг)

Магомед Ибрагимов (97 кг)

Давид Модзманашвили (125 кг)