17 окт 08:53
Янгиликлар

Бокс/ММА

Андерсон Bellator Гран-приси ярим финалида Бейдерни 51 сонияда нокаутга учратди

Айни дақиқаларда АҚШнинг Аризона штати Финикс шаҳрида Bellator 268 турнири бўлиб ўтмоқда.

Оқшом доирасидаги қизиқарли жангларнинг бири америкалик 32 ёшли Кори Андерсон ҳамда унинг 38 ёшли ватандоши, собиқ чемпион Райан Бейдер ўртасида ўтказилди. Ушбу жанг Bellator Гран-Присининг ярим финали вазифасини бажариб берди. Жангнинг 51-сониясидаёқ Андерсон номдор ва тажрибали рақибини нокаутга учратди.

Шу тариқа, Кори Андерсон Гран-при финалига йўл олди. Унинг финалдаги рақиби бироздан сўнг аниқланади. Иккинчи ярим финалда ярим оғир вазн тоифасида амалдаги камар соҳиби, россиялик Вадим Немков ҳамда литвалик 30 ёшли Жулиус Энгкликас ўзаро октагонда тўқнаш келади.