Андижонда белбоғли кураш бўйича Ўзбекистон чемпионати бўлиб ўтди

Андижон олимпия ва паралимпия спорт турларига тайёрлаш маркази манежида ўтган мазкур мамлакат чемпионатида ўғил болалар белбоғли курашнинг эркин ва белбоғли кураш йўналишларида 13 та вазн тоифасида, қизлар эса 8 та вазнда куч синашишди. 

Уч кун давом этган муросасиз беллашувларда  Илёсбек Ҳамидбоев (Наманган), Беҳрузбек Муротов (Андижон), Санжарбек Ҳошимжонов (Фарғона), Нуразиз Илҳомиддинов (Навоий), Диёрбек Абдухалилов (Тошкент в.), Муниса Темирова (Наманган), Гулсевар Нурқобилова (Жиззах), Айсилув Қидирбаева (Қорақалпоғистон) сингари спортчилар ўз вазн тоифаларида биринчи ўринни банд этишди. 

Ғолиб ва совриндорлар диплом, медаль ва эсдалик совғалари билан мукофотланишди. Ушбу чемпионатда кучли учликдан жой олган полвонлар май ойида Нукусда ўтказилиши режалашитирилган Осиё ва жаҳон чемпионатида иштирок этиш йўлланмасига эга бўлишди. 

Илҳом РАҲМОНОВ тайёрлади