Андижонда спорт байрами давом этади

ММА бўйича аввалги йилда андижонлик спортчилар томонидан қайд этилган юқори натижалар эса сўзимиз исботи бўла олади.

Қолаверса, мамлакатимизда расмий мақомга эга бўлган ММА спорт турига эътибор қаратиш ишларига Шаҳрихон туманида биринчилардан бўлиб ММА спорт мактаби ишга туширилган эди.

Андижон шаҳридаги «Ўзбегим» маҳалласи ҳудудида тадбиркор ва мураббий ҳисобланган Жаҳонгир Асранов томонидан, бўш турган бино замонавий кўринишдаги ММА мактаби сифатида қайта қуриб битказилди.

Куни кеча ушбу спорт мактабининг тантанали очилиш маросими ўтказилди. Очилиш маросимида маҳалла фаоллари, кексалар ҳамда мазкур спорт турига қизиқувчи ёшлар иштирок этдилар.

Шунингдек, спортнинг қўл жанги тури бўйича Андижон шаҳридаги спортнинг ўйин турлари ва енгил атлетикага ихтисослаштирилган болалар-ўсмирлар спорт мактабининг ёпиқ теннис кортида ҳуқуқни муҳофаза қилувчи орган ходимлари ва ёшлар ўртасида Андижон вилояти ҳокими кубоги мусобақаси ўтказилди.

Ушбу мусобақада 16-17 ёшдаги 120 нафардан ортиқ иштирокчилар 10 вазн тоифасида (8 та жамоа), 18 ёшдан катталар ҳуқуқни муҳофаза қилувчи орган ходимлари эса 9 вазнда мусобақада иштирок этдилар.

Ғолиблар ташкилотчилар томонидан ташкил этилган эсдалик нишон, диплом, медаль ҳамда қимматбаҳо совғалар билан тақдирланишди.