Андрееску China Open чорак финалига чиқди

Сайёрамизнинг олтинчи ракеткаси Бьянка Андрееску China Open мусобақасининг чорак финалига йўл олди. Канадалик теннис маликаси бу сафар рейтингнинг 66-поғонасини банд этиб турган америкалик Женнифер Брэдини мағлуб этди - 6/1, 6/3.

Бьянка 1 соату 7 дақиқа давом этган учрашувда 5 та эйс зарбасини амалга оширди. Андрееску ўзаро учрашувлардаги ҳисобни ҳам йириклаштирди - 4:1. Энди канадалик теннисчи Пекин турнирининг чорак финалида япониялик Наоми Осакага қарши кортга чиқади.