26 окт 10:03
Янгиликлар

Теннис

Андрей Рублёв Базелдаги иштирокини тўхтатди

Швейцариянинг Базель шаҳрида теннис бўйича ATP турнири давом этмоқда.

Дунёнинг еттинчи ракеткаси Андрей Рублёв бироз кутилмаганда мусобақанинг чорак финалида ATP рейтингида 23-поғонада бораётган америкалик Бен Шелтонга уч сет натижасига кўра имкониятни бой бериб қўйди - 5/7, 7/6(3), 4/6. Бу теннисчиларнинг ўзаро ўтказган илк учрашуви эди.

Икки соату 17 дақиқа давом этган баҳсда иккала теннисчи ҳам 12 тадан эйс зарбасини амалга оширган. Ҳар икки ракетка устаси ҳам 2 тадан қўшхатога йўл қўйган. Брейклар бўйича устунлик эса Шелтон томонида бўлди - 2 га 0! Энди Бен финал чиптаси учун француз Артур Фисга қарши кортга чиқади.