Анкалаев – Чимаевга қарши жанг ҳақида: "Хуш келибсан!"

Шунингдек, Анкалаев "Борз"нинг яримоғир вазнга кўтарилиши мумкинлиги ҳақидаги гапига ҳам жавоб бериб кетди. 

"Хамзатни ғалаба билан табриклайман. У қанчалик кучли ва тажовузкор жангчи эканини кўрсатди ҳам, исботлади ҳам. Беш раунд давомида тўлиқ курашда мутлақ устунлик қилиш осон иш эмас. У буни амалга оширди. Бунинг учун унга табрикларимни йўллайман. Нафақат унинг, балки менинг дивизионимда жанг қилиш истагини билдирган исталган аралаш яккакураш устасига айтар гапим битта: "Хуш келибсин!" Ҳеч қандай муаммо йўқ. Агар менинг вазнимга кўтарилмоқчи экан – уни кутиб оламан", – деди Анкалаев.