Анкалаевни нокаут қилган Перейра, Двалишвилида муваффақиятли ҳимоя ва UFC 320 турнирининг барча натижалари битта саҳифада

Мусобақанинг марказий жанги россиялик Магомед Анкалаев ва Бразилия вакили Алекс Перейра ўртасида кечди. Ушбу жангнинг 1-раундидаёқ Алекс Перейра нокаут эвазига ғалаба қозониб, камарини қайтариб олди.

Иккинчи асосий жангда эса энг енгил вазн тоифасининг грузиялик чемпиони Мераб Двалишвили Кори Сэндхагенни очколар эвазига мағлуб этиб, камарини муваффақиятли ҳимоя қилди.

Ушбу турнирда қайд этилган барча натижалар билан танишинг:

Асосий кард:

Ярим оғир вазн тоифасида чемпионлик камари учун: Магомед Анкалаев (Россия) — Алекс Перейра (Бразилия) - Алекс Перейра 1-раунддаёқ техник нокаут эвазига ғалаба қозонди;

Энг енгил вазнда чемпионлик камари учун: Мераб Двалишвили (Грузия) — Кори Сэндхаген (АҚШ) - Мераб Двалишвили очколар эвазига ғалаба қозонди (49-45, 49-45, 49-46);

Ярим оғир вазнда: Иржи Прохазка (Чехия) — Халил Раунтри (АҚШ) - Иржи Прохазка 3-раундда нокаут эвазига ғалаба қозонди;

Ярим енгил вазнда: Жош Эмметт (АҚШ) — Юсеф Залал (Марокаш) - Юсеф Залал 1-раундда армбар усулида ғалабага эришди;

Ўрта вазнда: Абусупьян Магомедов (Германия) — Жо Пайфер (АҚШ) - Жо Пайфер 2-раундда сабмишн эвазига ғалаба қозонди;

Прелим кард:

Ўрта вазнда: Атеба Готье (Камерун) — Трестон Вайнс (АҚШ) - Готье 1-раундда нокаут эвазига ғалаба қозонди;

Ўрта вазнда: Эдмен Шахбазян (АҚШ) — Андре Муниз (Бразилия) - Эдмен Шахбазян 1-раундда нокаут эвазига ғалаба қозонди;

Оралиқ вазнда (69,39 кг): Даниэль Сантос (Бразилия) — Ю Сан Ю (Корея Республикаси) - Даниэль Сантос 2-раундда нокаут эвазига ғолиб бўлди;

Бошланғич прелим кард:

Энг енгил вазнда: Патчи Микс (АҚШ) — Якоб Виклаж (Польша) - Якоб Виклаж очколар эвазига ғалаба қозонди (28-29, 29-28, 28-29).

Ярим ўрта вазнда: Пуна Сориано (АҚШ) — Николай Веретенников (Қозоғистон) - Пуна Сориано очколар эвазига ғалабага эришди (30-27, 30-27, 30-27);

Аёллар ўртасида энг енгил вазнда: Мэйси Чиассон (АҚШ) — Яна Сантос (Россия) - Яна Сантос очколар эвазига ғолиб бўлди (29-28, 29-28, 29-28);

Энг енгил вазнда: Фарид Башарат (АҚШ) - Крис Гутьеррес (АҚШ) - Фарид Башарат очколар эвазига ғалаба қозонди (29-28, 29-28, 29-28);

Ярим ўрта вазнда: Рамиз Брахимай (АҚШ) — Остин Вандерфорд (АҚШ) - Рамиз Брахимай 2-раундда оғритувчи усулда ғалаба қозонди;

Аёллар ўртасида энг енгил вазнда: Вероника Харди (Венесуэла) — Броган Уолкер (Гуам) - Вероника Харди очколар эвазига ғалаба қозонди (30-27, 30-27, 30-27).