03 апр 17:12
Янгиликлар
Анталия "Катта Дубулға" турнирини битта олтин медаль билан якунладик
Ўзбекистонлик дзюдочилар учун Анталия "Катта Дубулға" турнири якунланди.
Мусобақа медаллари учун курашаётган энг сўнгги вакилимиз - Муҳаммадкарим Ҳуррамов бронза медали учун ўтиш беллашувида канадалик Кайл Рейесга имкониятни бой бериб, турнирни 7-ўрин ҳамда 260 рейтинг очкоси билан якунлади.
Шу тариқа, Ўзбекистон терма жамоаси Анталия "Катта Дубулға" турниридаги иштирокини Диёра Келдиёрова томонидан қўлга киритилган 1 та олтин медаль билан тугатди. Гулноза Матниязова 5, Муҳаммадкарим Ҳуррамов ва Алишер Юсупов 7-ўринни эгаллади. Энди дзюдочиларимиз 6-9 апрель кунлари Бишкекда ўтказиладиган Осиё-Океания чемпионатида иштирок этадилар.
Ҳавола :
Манба : olamsport.com
Фикрлар