29 янв 13:29
Янгиликлар

Футбол

Анталияга етиб борган “Қизилқум” бугун илк назорат учрашувини ўтказади

Янги мавсумга тайёгарликнинг иккинчи босқичини Туркиянинг Анталия шаҳрида ўтказадиган навоийликлар белгиланган манзилга етиб боришди.

Ислом Каримов номидаги Тошкент халқаро аэропортидан Анталияга парвоз қилган жамоа кеча тушдан кейин Анталиядаги “Asteria” меҳмонхонасига жойлашди ва шу кечга яқин меҳмонхонага қарашли футбол майдонида илк машғулотларни ҳам ўтказди.

Эслатиб ўтамиз, икки ҳафта давом этадиган хориж йиғини доирасида "Қизилқум" футболчилари бешта назорат учрашувида майдонга тушишади.

Навоийликлар илк назорат учрашувини 29 январь куни Владикавказнинг “Алания” жамоасига қарши ўтказади. Ўйин Тошкент вақти билан соат 19:00 да бошланиши режалаштирилган.