23 дек 23:25
Янгиликлар

Футбол

АПЛ "Эвертон" - "Бёрнли" учрашувини қолдиришни истамади. Бенитеснинг жамоасида 9 майдон ўйинчиси ва 3 дарвозабон қолган

"Эвертон" клуби деярли захира кучисиз ўйнашига тўғри келади.

АПЛ "Эвертон" ва "Бёрнли" ўртасидаги учрашувни қолдириш таклифини рад этди. Ўйин 26 декабр кунига белгиланган.

Ажабланарлиси шундаки, "Эвертон" клубида жароҳатланганлар ва коронавирусга чалинганларни айириб ташласа, бор-йўғи 12 та соғлом ўйинчи мавжуд.
"Мен ҳозир ўйланиб қолдим, менда 11 нафар соғ ўйинчи борми ёки йўқ? Биз ушуб ўйинни ўтказишимиз керак экан. Реаллик шундан иборатки, мен эрта ва индин кунлари ким ўйнай олиши мумкинлигини билиш учун кутиб туришим керак.
Бизнинг вазифа майдонда ўйнай оладиган 11 ўйинчини топа олиш. Бу осон иш эмас. Сабаби, бизда тўққиз майдон ўйинчиси ва уч дарвозабон бор", - дейди Рафаэль Бенитес.