Араухо "Барселона"даги келажаги ҳақида қарор қабул қилди

Уругвайлик футболчини вақти-вақти билан клубдан кетиш билан боғлашда давом этишмоқда, бироқ 26 ёшли футболчи вазиятни ўзгартиришни режалаштирмаяпти. Араухо фаолиятининг охиригача "Барселона"да ўйнашни истайди. Ҳимоячисининг орзуси - жамоа билан Чемпионлар Лигасида сардор мақомида ғалаба қозониш.

Роналд Араухо январь ойида Каталония гранди билан 2031 йилгача мўлжалланган янги узоқ муддатли шартнома имзолади. Футболчи жорий мавсумда Ханс-Дитер Флик жамоасининг бешта ўйинида қатнашиб, битта гол урди.