Аргентина-2018. Байроқдоримиз бронза медалини қўлга киритди

Бироз аввал эркин курашчимиз Умиджон Жалолов олтин медалга эга чиққанди. Энди -80 кг вазн тоифасида юртимиз шарафини ҳимоя қилган Муҳаммадрасул Раҳимов бронза медалини қўлга киритди. 

Ҳамюртимиз мусобақа давомида Янги Зеландия вакилини мағлуб этди. Иккинчи баҳсида эса россиялик полвонга имкониятни бой берди. Бронза медали учун кечган учрашувда эса канадалик спортчидан устун келди ва совриндорлар қаторидан жой олди.

Бу Ўзбекистон терма жамоаси учун Аргентинадаги Олимпия ўйинларида қўлга киритилган 12-медаль бўлди. Энди ҳамюртларимиз ҳисобида 4 та олтин, 4 та кумуш ва 4 та бронза медаллари мавжуд. Битта олтин ва 1 та бронза медали микст баҳсларида қўлга киритилган.