Арина Соболенко Брисбен турнирида 1/2 финалга чиқди

Сайёрамизнинг биринчи рақамли теннис маликаси Арина Соболенко 1/4 финалда WTA рейтингининг 44-поғонасида бораётган чехиялик Мари Бузковани ортиқча қийинчиликсиз мағлубиятга учратди - 6/3, 6/4. Арина теннисчиларнинг ўзаро учрашувлари ҳисобида олдинга чиқиб олди - 2:1. 

Бир юз беш дақиқа давом этган баҳсда Соболенко 6, Бузкова 2 та эйс зарбасини амалга оширган. Иккала теннисчи ҳам қўшхатога йўл қўймади. Брейклар бўйича устунлик беларуслик томонида бўлди - 3 га 1. Энди у Brisbane International финал чиптаси учун россиялик иқтидор эгаси Мирра Андреевага қарши кортга чиқади.