16 ноя 08:07
Янгиликлар

Теннис

Арина Соболенко Линцда чемпион бўлди

Австриянинг Линц шаҳрида теннис бўйича WTA турнири якунланди.

Ҳал қилувчи финал учрашувида беларуслик Арина Соболенко бельгиялик рақибаси Элизе Мертенсга қарши кортга чиқди. Бир соату 42 дақиқа давом этган баҳсда дунёнинг 11-ракеткаси бўлиб турган Арина ғалаба қозонди - 7/5, 6/3.

Учрашув давомида 22 ёшли Соболенко ҳам, рейтингнинг 21-поғонасидан жой олиб турган 24 яшар Мертенс ҳам 3 тадан эйс зарбани амалга оширди. Беларуслик теннис маликаси ўзаро учрашувлардаги ҳисобни йириклаштирди - 4:2.

Upper Austria Ladies Linz турниридаги муваффақиятли иштирок Соболенкога 20,161 доллар мукофот пули ҳамда 280 рейтинг очкосини тақдим этди. Бу унинг фаолиятидаги саккизинчи соврини бўлди.