Арина Соболенко Қатарда тенгсиз бўлди

Дунёнинг 13-ракеткаси Qatar Total Open финал учрашувида рейтингда ўзидан икки поғона юқорида турган чехиялик Петра Квитовани икки сетда ҳам бир хил ҳисобда мағлубиятга учратди - 6/3, 6/3. Бир соату 14 дақиқа давом этган баҳсда Арина 7, Петра эса 2 та эйс зарбасини амалга оширди. Икки теннисчининг ўзаро учрашувларидаги ҳисоб мувозанати тикланди - 2:2. 

Беларуслик теннисчи мавсумдаги биринчи, фаолиятидаги олтинчи титулини қўлга киритди. Қатардаги муваффақиятли иштирок Соболенкога 605,000 АҚШ доллари ҳамда 900 рейтинг очкосини тақдим этди. Квитова эса 304,005 доллар ва 585 очкога эга бўлди.