01 дек 10:28
Янгиликлар

Бокс/ММА

Арман Царукян Ислам Махачевнинг гапини тасдиқлади

Енгил вазн тоифаси UFC рейтингида биринчи ўринни эгаллаб турган Арман Царукян дивизион чемпиони Ислам Махачевнинг гапларига муносабат билдирди.

Махачев ҳамда унинг менежери ҳали ҳануз чемпионлик жанги учун шартнома олмаганлари ҳақида айтган эди. Царукян ҳам ҳали қўлида шартнома йўқлигини тасдиқлади.

"Менежерим 2025 йилнинг бошида жанг қилишимни айтди. Бундан ҳайратдаман ва умид қиламанки, жангим тез орада эълон қилинади. Улар менга жанг санаси ва манзилини айтишди. Буни UFC ҳам билади. Фақат чемпионлик жангини расмий эълон қилиш қолди, холос", - дея Царукяннинг сўзларини келтиради TNT Sports.

Аввалроқ, Ислам Махачев ва Арман Царукян ўртасидаги чемпионлик жанги 18 январь куни АҚШнинг Лос-Анжелесида ташкил этиладиган UFC 311 турнири доирасида ўтказилади. Бу Лиганинг 2025 йилдаги биринчи рақамланган турнири бўлади.