01 май 14:26
Янгиликлар

Спорт курашлари

Арман Царукяннинг рақиби маълум - Тони Фергюсон! (+ПОСТЕР)

Енгил вазн тоифаси UFC рейтингида иккинчи ўринни эгаллаб турган асли арманистонлик, ҳозирда Россия шарафини ҳимоя қилаётган Арман Царукяннинг навбатдаги рақиби эълон қилинди.

Арман 13 июнь куни АҚШнинг Сент-Луис шаҳрида бўлиб ўтадиган Real American Fighter (RAF) 10 эркин кураш турнирида иштирок этади. Россияликнинг рақиби америкалик собиқ UFC афсонаси Тони Фергюсон бўлади.

Бу сўнгги беш ой ичида Царукяннинг RAF турниридаги олтинчи беллашуви бўлади. Яқинда у Юрайя Фейберни мағлуб этганди. 2025 йилнинг ноябрь ойидан, яъни UFC октагонига охирги марта чиққанидан бери, Царукян турли промоушенларда еттита жанг ўтказди.

Эътиборлиси, 30 май куни Арман Царукян RAF лигасида яна бир жанг ўтказади. Унинг рақиби америкалик курашчи-инфлюэнсер Килон Мугэй Жимисон бўлади. Бу билан Арман икки ҳафта ичида турнирда иккита чиқиш қилади.