"Арсенал" АПЛдаги кетма-кет иккинчи ўйинда икки тўп фарқини ушлаб қола олмади. Бунақаси клуб тарихида биринчи марта

"Арсенал" АПЛ 31-турида "Вест Хэм"ни (2:2) мағлубиятга учрата олмади. Лондонликлар дастлаб иккита гол уришган бўлса ҳам, якунда ушбу устунликни бой бериб қўйишди. Ўтган ўйинда ҳам "Ливерпуль" дарвозасига иккита гол уриб олган "Арсенал" якунда ғалабани қўлдан чиқарди. Шундай қилиб, клуб АПЛдаги кетма-кет иккинчи учрашувда 2 тўп фарқини ушлаб қола олмаяпти. Бунақаси "Арсенал" тарихида биринчи марта бўлиши. 

Маълумот учун, ҳозирда "Манчестер Сити" ва "Арсенал" ўртасида тўрт очко фарқ бор. Бироқ, "Ман Сити" битта кам ўйин ўтказган ва тез орада икки клуб ўзаро тўқнаш келишади.