Артём Филипосян фаолиятини яна Ўзбекистонда давом эттириши мумкин

Ушбу жамоа Таиланд юқори дивизионида илк мавсум иштирок этганига қарамай, мамлакат Лига кубогида зафар қучди чемпионатда эса 9-ўринни эгаллади. 

Артём ушбу жамоа сафида чемпионат баҳсларида 29 марта майдонга тушиб, бир бор рақиб дарвозасини ишғол этишга ҳам улгурди.

“Таиланд юқори лигасида кураш бу йил анча қизғин кечди. Мамлакатнинг биринчи рақамли жамоаси ҳисобланган “Бурирам” сўнгги турда ғалаба қозона олмай, чемпионликни “Чианграй Юнайтед”га топширган бўлса, Лига кубогининг финал баҳсида бизнинг жамоа билан дуранг ўйнаб, пеналтилар сериясида имкониятни бой берди. Айтмоқчи, бўлганим бу ерда легионерларга бўлган талаб жудаям юқори. Агар клуб раҳбарларига ўйининг ёқмай қолса, ўша заҳотиёқт шартномани бекор қилиб (товон пулларини тўлаб беришади), ўрнингга бошқа футболчини синаб кўришлари мумкин...

Мен билан бирга ҳимоя марказида ўзбекистонлик футбол ишқибозларига яхши таниш бўлган Аднан Ораховац ҳаракат қилди. Бу юртда илк марта тўп тепган бўлсамда, мухлислар меҳрини қозонишга ҳаракат қилишга ҳаракат қилдим”, дейди самарқандлик ҳимоячи.

Айни пайтда футболчи Тошкентда оиласи даврасида ҳордиқ чиқрмоқда. Футболчининг айтишича, Таиланд клуби билан бир йиллик шартномаси ниҳоясига етган. Филипосяннинг хизматларига Суперлига совринли ўринлар учун курашаётган клубларидан бири жиддий қизиқмоқда. Шунингдек, Таиланд жамоаларидан ҳам футболчига жиддий таклиф тушган.