05 апр 23:27
Янгиликлар
Бокс/ММА
Асилбек Жалилов франциялик рақибини мағлуб этиб, Жаҳон кубоги ғолибига айланди!
Фос-ду-Игуасу шаҳрида бокс бўйича World Boxing ташкилотчилигидаги Жаҳон кубогининг финал жанглари бўлиб ўтмоқда.
Турнирнинг кундузги дастур беллашувлари доирасида Ўзбекистон терма жамоаси аъзоси Асилбек Жалилов (-50 кг) олтин медаль йўлида рингга кўтарилди.
Унга Франция вакили Ники Куммингс рақиблик қилди.
3 раундлик беллашув тўлиқ давом этиб, якунда ҳакамларнинг якдил қарори билан 5:0 ҳисобида Асилбек ғалаба қозониб, World Boxing ўтказаётган илк Жаҳон кубогида олтин медалга эга чиқди.
Маълумот учун, Жалилов мусобақа доирасида дастлаб, қозоғистонлик Нурзат Онгаров, ярим финал босқичида эса Ҳиндистон терма жамоаси аъзоси Жадумани Манденгбамни мағлубиятга учратган эди.
Олдинда бокс мухлисларини яна олти нафар ўзбекистонлик чарм-қўлқоп усталари иштирокидаги финал баҳслари кутиб турибди.
Ҳавола :
Манба : olamsport.com
Фикрлар